“Səhhətimdə problemlər var, amma idarə edirəm”.
mobilmedia.az xəbər verir ki, bu sözləri Axşam.az-a açıqlamasında Xalq artisti Könül Xasıyeva deyib. O bildirib ki, uzun müddətdir heç bir gəliri yoxdur.
Hazırda Şəkidə qalan xanəndə xəstəxanaya yerləşdirilməsi ilə bağlı xəbərlərə aydınlıq gətirib:
“Sosial şəbəkədə xəstəxanadan olan köhnə fotomu yerləşdirmişəm. Ona görə yazıblar ki, xəstəxanadayam. Hazırda Şəkidəki evdəyəm. Səhhətimdə problemlər var, amma idarə edirəm.
Bankdan borc götürmüşdüm. Həm öz, həm oğlum Kazımın müalicəsinə, həm də anamın yasına xərclədim. Krediti ödəyə bilmirəm, bank da məni incidir”.
