Bu ilin yanvar-iyun aylarında “Bakı Fond Birjası” QSC-də (BFB) bütün maliyyə alətləri üzrə bağlanmış əqdlərin ümumi dəyəri 7 milyard 793,468 milyon manat təşkil edib.
mobilmedia.az xəbər verir ki, bu, ötən ilin eyni dövrü ilə müqayisədə 2 % azdır.
Son 1 ildə bağlanmış əqdlərin sayı isə 14,2 % artaraq 5 277 olub.
BFB-nin dövriyyəsinin 40,9 %-i, yaxud 3 milyard 184,039 milyon manatı dövlət qiymətli kağızlarının payına düşüb. Bu, illik müqayisədə 28,4 % azdır.
Hesabat dövründə korporativ qiymətli kağızlar bazarı üzrə əqdlərin dəyəri 29,8 % artaraq 680,448 milyon manat, repo əməliyyatları üzrə əqdlərin dəyəri 32 % artaraq 3 milyard 928,981 milyon manat olub.
