Ağstafa rayonunda minik avtomobili yük maşınınla toqquşub, 2 nəfər ölüb.
mobilmedia.az-ın məlumatına görə, Bakı-Qazax magistral yolunun Ağstafa rayon Dağ Kəsəmən kəndindən keçən hissəsində “VAZ-21099” markalı avtomobilin yük maşını ilə toqquşması nəticəsində Dağ Kəsəmən kənd sakinləri – 1987-ci il təvəllüdlü Orxan Rzayev və onun həmyaşıdı Məhəmməd Xəlilov hadisə yerində dünyasını dəyişib.
Faktla bağlı araşdırma aparılır.
