“İnşaat respiratorları koronavirusdan qorunmada ən təsirli vasitədir”.
mobilmedia.az-ın məlumatına görə, bu barədə Epidemiologiya və Mikrobiologiya Mərkəzinin aparıcı tədqiqatçısı, həkim-virusoloq Viktor Lariçev RİA Novosti-yə açıqlamasında bildirib.
Onun sözlərinə görə, inşaat respiratorları xüsusi materialdan hazırlanmış daha yaxşı süzgəcdən ibarətdir: “Adi tibbi maskalar tozu o qədər də tutmayır, ancaq bu respiratorlar tozun udulmasına imkan vermir”.
Lariçev əlavə edib ki, sözügedən respiratorlar virusun yayılmasını, eyni zamanda virusdan qorunmağı təmin edir: “İnşaat respiratorları danışarkən, hətta asqırarkən və ya öskürərkən nəfəsdən ayrılan virusların ətrafa yayılmasının qarşısını alır”.
Həkim-virusoloq eyni zamanda, respiratorların üzü daha sıx bağladığını vurğulayıb. (Apa)
