Buryatiyada “Mi-8” helikopteri eniş zamanı qəzaya uğrayıb.
mobilmedia.az xəbər verir ki, bu barədə Rusiya Fövqəladə Hallar Nazirliyindən bildirilib.
Məlumata görə, Baykal hava limanına enərkən baş verən qəzadan sonra “Mi-8” alovlanıb.
“Helikopterdə üç nəfərdən ibarət ekipaj olub. İlkin məlumata görə, onlar həlak olublar. Helikopterdə sərnişin olmayıb”, – deyə mənbədən bildirilib.
Qəzanın baş vermə şəraiti müəyyənləşdirilir. İlkin ehtimallara görə, qəzaya səbəb mühərrikdə baş verən yanğın olub.
