İmişlidə avtomobil su kanalına aşıb, bir nəfər ölüb.
mobilmedia.az-ın məlumatına görə, hadisə bu gün səhər saatlarında İmişli-Qaravəlli-Mirili avtomobil yolunun Qaravəlli kəndindən keçən hissəsində qeydə alınıb.
Belə ki, Cəlilabad rayon sakini, 1978-ci il təvəllüdlü Abasov Bəxtiyar Yadulla oğlu idarə etdiyi “ Mercedes” markalı avtomobillə hərəkətdə olarkən anidən idarə etməni itirib və avtomobil yoldan çıxaraq yaxınlıqdakı su kanalına düşüb.
Hadisə nəticəsində sürücü dünyasını dəyişib.
Faktla bağlı araşdırma aparılır.
