Xəbər verdiyimiz kimi, bu gün səhər saatlarında hərbi helikopterimiz qəzaya uğrayıb.
mobilmedia.az xəbər verir ki, dövlət Sərhəd Xidmətinə məxsus olan, Xızı rayonu ərazisində yerləşən “Qaraheybət” aviasiya poliqonunda təlim uçuşları yerinə yetirərkən qəzaya uğrayan helikopterdə 14 nəfər heyət olub.
Rəsmi açıqlamada əksəriyyəti yüksək rütbəli zabitlər olan heyət üzvlərindən ölən və yaralananların olduğu bildirilir. Qəza zamanı helikopterdə olan hərbçilərimizin siyahısı AFN-ə məlumdur. Həmin siyahını təqdim edirik:
Polkovnik Füzuli Cavadov
Polkovnik leytenant Emil Nəzirov
Kapitan Cavid Bayramlı
Mayor Elmir Həsənov
Mayor Emil Mayılov
Mayor Elbrus Əhmədov
Mayor Murad Məmmədov
Kapitan Xəyyam Əliyev
Baş leytenant Abdulla Süleymanov
Mayor Emil Əliyev
Leytenant Dərya Məclunov
İşçi Nəbiyev
Kapitan Ceyhun Əhmədxanov
Baş leytenant Fərid Nağıyev
*12:26
Xəbər verdiyimiz kimi, Dövlət Sərhəd Xidmətinin hərbi helikopteri Xızı rayonu ərazisində yerləşən “Qaraheybət” aviasiya poliqonunda təlim uçuşları yerinə yetirərkən qəzaya uğrayıb.
Qəza nəticəsində 6 nəfər həlak olub.
*12:17
Dövlət Sərhəd Xidməti və Baş Prokurorluq birgə məlumat yayıb.
mobilmedia.az xəbər verir ki, məlumatda deyilir:
“Bu gün saat 10:40 radələrində Dövlət Sərhəd Xidmətinin hərbi helikopteri Xızı rayonu ərazisində yerləşən “Qaraheybət” aviasiya poliqonunda təlim uçuşları yerinə yetirərkən qəzaya uğrayıb.
Qəza nəticəsində helikopterin heyəti arasında həlak olanlar və yaralananlar var.
Dövlət Sərhəd Xidmətinin və Baş Prokurorluğun rəhbər heyəti hadisə yerindədir. Hadisə ilə əlaqədar birgə araşdırma tədbirləri həyata keçirilir”.
